كلمات اغانى العندليب حرف العين (ع ) ..

عدّى النهار
عدّى النهار .. و المغربية جايّة
تتخفّى ورا ضهر الشجر
و عشان نتوه في السكة
شالِت من ليالينا القمر

و بلدنا ع الترعة بتغسل شعرها
جانا نهار مقدرش يدفع مهرها
يا هل ترى الليل الحزين
أبو النجوم الدبلانين
أبو الغناوي المجروحين
يقدر ينسّيها الصباح
أبو شمس بترش الحنين؟
أبداً .. بلدنا ليل نهار
بتحب موّال النهار
لما يعدّي في الدروب
و يغنّي قدّام كل دار

و الليل يلف ورا السواقي
زي ما يلف الزمان .. و على النغم
تحلم بلدنا بالسنابل و الكيزان
تحلم ببكرة .. و اللي حيجيبه معاه
تنده عليه في الضلمة و بتسمع نداه
تصحى له من قبل الأدان
تروح تقابله في الغيطان
في المصانع .. و المعامل .. و المدارس .. و الساحات
طالعة له صحبة .. جنود
طالعة له رجال .. أطفال .. بنات
كل الدروب واخدة بلدنا للنهار
و احنا بلدنا ليل نهار
بتحب موال النهار
لما يعدي في الدروب
و يغني قدّام كل دار

الله الله الله على الكلام الجميل

شكرا لك أخى العزيز

مشكوووور اتخي على الرد الجميل

مشكوووووووور يا غالي على المجهود

على حسب وداد قلبى يابوى .. راح اقول للزين سلامات
سلامات سلامات سلامات
على حسب وداد قلبى يابوى
ضيعت عليه العمر يابوى .. وانا ليا معاه حكايات
حكايات حكايات حكايات
على حسب وداد قلبى يابوى

موال .. موال الصبر اهو داب .. من يوم الحب ماغاب
وانا عمرى ياعين ياليل ماتقرب ليا احباب
وانا صابر على المقسوم .. يمكن يرجعلى فى يوم
ويكونلى معاه تانى يابوى ايام حلوة .. وحكايات
حكايات حكايات حكايات
على حسب وداد قلبى يابوى

على حسب الريح ما يودي الريح .. مايودى
ويـاه انـا مـاشي .. ماشى .. ماشى ولا بيدي
مـا عـرفـش ان كنـت مــــــــروح
ولا إمتى الهوى ح يــهدي
واهـي دنيـا تـلعب بينـــــــــــــــــا ... يمكـن تـرجع غناوينـــــــا
وتكون لي معاه تاني يا بـــــــــوي أيـام حلـوة وحكايــــــات
حكايات حكايات حكايات
على حســـــــــــــــــــــب وداد قلبــــــــــــــــي يا بــــــــــــــــوي

لا حـاسلـــم بـالمكتـــــــــــــوب ... ولا حـرضـى أبات مغلوب
وحاقــول للـدنـيــا يا دنيـــــــــا ... أنا راجــع .. انا راجع للمحبــــــــوب

ونغني أغانــي جـديــــــــــــــــدة .... مليانة حكاوي سعيـــــــدة
وحنلبــس تــوب الفــرحــــــــــة وحقول ياحبيبــي ســلامات
على حســـــــــــــــــــــب وداد قلبــــــــــــــي يا بــــــــــــــــــوي


عقبالك يوم ميلادك.. لما تنول اللي شغل بالك يا قلبي.. عقبالك.. يا قلبي عقبال حبك لما يغني.. وأنا مرتاح البال متهني ودموع عيني ترخص مني.. لما أشوف الناس جيالك عقبالك يوم ميلادك.. لما تنول اللي شغل بالك يا قلبي.. عقبالك.. يا قلبي عمر حياتي عمر هواي.. وسنين حبي.. هي هناي نظرة وكلمة اتقابلوا معايا.. كتبوا اول يوم في ميلادك عقبالك يوم ميلادك.. لما تنول اللي شغل بالك يا قلبي.. عقبالك.. يا قلبي يا مفرقين الشموع.. قلبي نصيبه فين؟ الحب عمره سنة.. والهجر عمره سنين والقلب عاش مية سنة.. والفرح له ساعتين عقبالك يوم ميلادك.. لما تنول اللي شغل بالك يا قلبي.. عقبالك.. يا قلبي

الف شكر على هذه الكلمات الجميلة لهذه الاغانى الرائعة

شكرا فعلا لما الواحد بيسمع بيعرف حيقول ايه شكرا جدا

الف شكر على كتابة هذه الكلمات الرائعة

على أد الشوق

أغانى أكثر من رائعة

شكرااااا

الف شكر على هذه الكلمات الجميلة لهذه الاغانى الرائعة

» كلمات اغانى العندليب (ث) حرف الثاء
» كلمات اغانى العندليب( ذ) حرف الذال
» كلمات اغانى العندليب (س) حرف السين
» كلمات اغانى العندليب حرف الظاء ( ظ ) ...
» كلمات أغاني العندليب (ب) حرف الباء