حديث خاص وحصري لمنتدى عش الاسطوره مع الاستاذ تامر حمدى ابن شقيق الموسيقار بليغ حمدى

فى الذكرى العشرين لرحيل بليغ حديث خاص وحصري لمنتدى عش الاسطوره مع الاستاذ تامر حمدى ابن شقيق الموسيقار بليغ حمدى



1-نريد التعرف على شخصيتك  كما هو مدون فى بطاقتكم الشخصيه

اسمى تامر حسام حمدى 44 سنة...بشتعل فى مجال التسويق و الاعلانات

2-فى احد حوارت الدكتور مرسى سعد الدين قال.. بعد وفاه اخى حسام صغيرا فى اوربا اثناء دراسه الكتوراه كان بليغ حمدى بمثابه الاب لاولاده ..ماحقيقه هذا الموضوع 
بليغ كان دايما مشغول بالموسيقى والالحان وفى الحقيقه اللى ربانا انا و اخى هى امى الدكتوره عبله...

3-استاذ تامر انت وشقيقك الراحل هيثم كنتم من المقربين للموسيقار بليغ حمدى فى اخر ايامه وخاصه فى فتره مرضه...هل كان  هناك امنيات خاصه لبليغ يريد تحقيقها وادركه الموت قبل تحقيقها وماهى اخر توصياته قبل وفاته

كان يريد عمل مسرح غنانى عن اخناتون ...

4-هل عاصرت ولاده احد الحان بليغ وهل له طقوس معينه عند التلحين
حضرت كل اغانى بوابة الحلوانى و كنت بروح معاه الاستودو
 
5-كلنا نعلم شخصيه بليغ الموسيقار ..ولكن نريد التعرف على بليغ الانسان كما تعرفه

بليغ كان انسان طيب و خجول..كريم جدا لدرجة مزعجة....يحب الناس لكن لا يتتدخل فى جياتهم الشخصية ابدا

6-ماهو المطرب او المطربه الذى كان يسمعه دائما بليغ وهو منفردا بنفسه

صعب احدد حد بعينه...ولم يكن يحب ان يستمع الى اعمالة القديمه...دايما كان عايز يقدم اعمال جديدة

7- هل كان بليغ يخشى الموت او المرض وهل بكى يوما ما امامك وماهى الاسباب

لا.. لم يبكى يوما امامى .و كان عادى ماعندوش فوبيا الموت


8-هل كان بليغ يعشق اسرته ويودهم دائما ام كان يميل الى العزله والاهتمام بالحانه

بليغ كان بيحب كل الناس...و بالخصوص الاسرة...الفكرة ان بليغ كان دايما مشغول فى الشغل...الموسيقى كانت محبوبتة الاولة

9-سمعنا فى احد الحوارات ان بليغ كان يتقاضى 5000 جنيه صباحا من احد المطربين بعد بيع له احد الالحان وفى المساء كان بليغ يستدان المال من اصدقائه ...اين كان بليغ ينفق كل هذه الاموال 

ههههه...فعلا بليغ ...علاقة بليغ بالفلوس لم تكن على ما يرام...كان كريم جدا و على طول بيته مفتوح لكل الناس...و الطبع دة ورثة من امة "عائشة"



10-رغم شعبيه بليغ الجارفه على مستوى العالم العربى..هل تعتقد من وجه نظرك ان بليغ لم ينل مايستحقه  من التكريم

بليغ نال كتير من الجوايز ...بس فى العموم "حكم مبارك" كان مهمل للفن بوجة عام...يعنى مش بليغ بس اللي مخدش التقدير المناسب اللى يستحقة...بس اهم تقدير من وجهة نظرى هو حب الناس...و انا كل ما بقابل حد باكتشف قد ايه هو محبوب

11- من هى مقترحاتك لتخليد ذكرى بليغ حمدى 

لازم يكون فى متحف للفنانين المصرين مش بليع بس...دى فترة زمنية مهمة جدا من تاريخ مصر...عملة بأسمه...أو شارع ..بليغ كان وطنى جدا...و عمل احلى اغانى النصر و من غير تكليف من حد...يعنى اغتية "بسم الله" كانت الجنود بتسمعها على الحبهة و بتحمسهم على القتال ...و غير كدة شوف ملاين الناس اللى استمتعت بموسيقى و اغانى بليغ...دى اجيال بحالها حبت اغانيه والحانه

12-ماهى  افضل الحان بليغ من وجه نظرك وهل كان بليغ يفضل الحان معينه  لنفسه

صعب ... لكن لحن طعم

13-هل كان بليغ يخشى الملحنين الاخرون
ابدا...كان دايما مهتم هو حيقدم ايه جديد...اية الفكرة الجديدة و الصوت الجديد اللى حيقدمة...مش باقى الملحنين بيعملوا اية


15-هل هناك الحان مميزه من وجه نظرك تركها بليغ بعد  وفاته ولم تظهر حتى الان
كل حاجة تخص بليغ اخدها ابن عمتى "اسامة" بالرغم من عدم وجود مودة بين بليغ و اسامة فى حياتة...شى محزن

16-اذكر لنا ماتعرفه عن عن قصه  بليغ وورده 
اللى يهم الناس الالحان الجميلة اللى ظهرت للناس و اللى بتدل على حالة الحب و التفاهم الفنى اللى بينهم



19-ماهى تركه بليغ حمدى
اكتر من 2000 لحن لاعظم مطريى مصر و الوطن العربى

20-هل تعلم شيئا عن علاقه بليغ بام كلثوم او حليم ذكرها لكم
الكلام يطول ...ام كلثوم كانت بتعتبر بليع زى الابن المدلل...فنان بس لازم يتساب بحريتة زى العصفور علشان يطلع احلى فن...اما عبد الجليم فكان صديق قبل مل يكون مجرد زميل
من وحهة نظرى اهم ما يميز الحان بليغ هى الصدق و الهوية المصرية

لك جزيل الشكر اخى شريف وايضا له كل الشكر ااستاذ تامر على هذا الحديث الممتع جدا عن عبقرى الموسيقى بليغ حمدى يرحمه الله واسكنه فسيح جناته وانا والله بجد اى اغنية اسمعها من الحانه اقول على طول الله عليك ياعبقرى واترحم عليه دايما

شكراً أ / شريف على هذا الحوار الرائع والممتع مع أ / تامر حسام حمدى عن المبدع بليغ حمدى
وشكراً ل أ / تامر على قبول إجراء هذا الحوار وحصريته لمنتدانا الغالى
والله يرحم هذا المبدع العبقرى بليغ
مع تحياتى