عضوة قديمة وجديدة

في البدايه بحب ارحب بعشاق حليم كلهم الموجودين هنا وبكل مكان

انا عضوة قديمة متواجدة بمنتديات حليم من اول افتتاح ليه

بـأسمي المعروف عاشقة العندليب الاسمر

كانت عضويتي انسرقت قبل اكم شهر في المنتدى دى وتم محو كل المواضيع الي ساهمتها فيها

بس معلش وربنا يسامح الي عمل كدة..المهم انا بحب اكون في اي مكان فيو حليم

وفيو عشاق حليم بدون التحيز لاي حد.. انا شايفه المنتدى اتغير كتير واتنور

ودي حاجة جميله اكيد بتفرح القلب.. تحيه للجميع وارجو قبولي كعضوة بينكم

عــــــــــــاشقـــــــــة العندليــــــــــب الاسمـــــــــــــــر

دومـــــا وللابـــــــــــد.. :)

يسعدنا تشريفك من جديد بيتك الأول أختي فاتن

أكيد أنتي مش ضيفة أنتي صاحبة مكان

نورتينا ويسعدنا تواجدك معانا

وأتمنى قراءة خواطرك هنا في منتدى الرابطة الأصلي :)

فاتن عضويتك في الحفظ والصون
ولازلت محتفظ بها في قاعدة بيانات المنتدى
كما ان مشاركاتك كلها لازلت موجودة لم تمحى
المنتدى لا ينسى كل عضو ساهم في بناء لبنة واحده من لبناته
لكن قبل ان ارجع لك عضويتك بكل صلاحياتها وامتيازاتها
عايز اعرف ليه لما منحتك الثقة وناشدتك ترجعي لما اتقفل المنتدى
واعدت بنائه من الصفر لماذا رفضتي الرجوع
وحتى لما رجعتي ومنحتك الاشراف لماذا مكنتي المدعو فؤاد من اسم عضويتك وقام بمسح كل الاقسام التي كنت مشرفة عليها مش عيب عليك ؟؟؟؟؟؟؟؟؟؟
وماتقوليليش بانك مالكش علم بما حصل
لاني امتلك حديث ليك مع العضوة جيهان وانت منتشية بعملك الذي قمت بيه
قبل ان تفاجئك وتقلك اننا رجعنا كل ما راح بواسطة النسخة الاحتياطية
فانا احمل امانة الحفاظ على ثراث العندليب وادرك جيدا كيف احميه
مستعد اطوي الصفحة القديمة نهائيا
في مقابل
الاعتذار العلني

7alim84 كتب:: فاتن عضويتك في الحفظ والصون
ولازلت محتفظ بها في قاعدة بيانات المنتدى
كما ان مشاركاتك كلها لازلت موجودة لم تمحى
المنتدى لا ينسى كل عضو ساهم في بناء لبنة واحده من لبناته
لكن قبل ان ارجع لك عضويتك بكل صلاحياتها وامتيازاتها
عايز اعرف ليه لما منحتك الثقة وناشدتك ترجعي لما اتقفل المنتدى
واعدت بنائه من الصفر لماذا رفضتي الرجوع
وحتى لما رجعتي ومنحتك الاشراف لماذا مكنتي المدعو فؤاد من اسم عضويتك وقام بمسح كل الاقسام التي كنت مشرفة عليها مش عيب عليك ؟؟؟؟؟؟؟؟؟؟
وماتقوليليش بانك مالكش علم بما حصل
لاني امتلك حديث ليك مع العضوة جيهان وانت منتشية بعملك الذي قمت بيه
قبل ان تفاجئك وتقلك اننا رجعنا كل ما راح بواسطة النسخة الاحتياطية
فانا احمل امانة الحفاظ على ثراث العندليب وادرك جيدا كيف احميه
مستعد اطوي الصفحة القديمة نهائيا
في مقابل
الاعتذار العلني

ايه الكلام كلو يا رضا
انا الصر احة متفاجئة!!!!
ازاي بتقول رفضت ارجع معاك لما اتقبل المنتدى
في البدايه كنت مترددة وانت عارف عليه عشان كنت عايزني مشرفه
وانت عارف بالوقت دى اني مشرفه عند فؤاد..وتاني مرة قبلت افوت وساعدك
وساهمت بمشاركاتي وكنت افوت كل يوم تقريبا...انت متقدرش تنكر دى كلو..

يا جماعه بقى في حد يفوت يشارك بمساهمت كتير ويتعب وبالاخر يقل لواحد يمحي مشاركاته!!
انا معلمش خالص بكل الي حصل وانت عارف كدة لما فت اكلمك وقلتلك الجهاز عندي عطلان ووانت الي قلتلي انو عضويتي انسرقت..كلامك غير منطفي يا رضا....وحقول الاكتر من كدة
في حد يقبل يكون مشرف بالسر عشان يقدم وساعد وبالمقابل يدي حد يحذف مساهماته..وانت بتتهمني كدة يا رضا..
انا صحيح اديئت لما انمحت مشاركاتي..بس بعدين مهتميتش..عارف ليه..لانها بطلت تفرق بعد التعب دة كلو وكل مرة تحصل حاجة..قلت خلاص ومفتش منتداك غير دلوقتي..الظاهر انت الي معندكاش ثقه فيا عشان تفول الكلام دة

وانا بواجهك.......قدام الكل حوار ايه الي مع جيهان..انا صحيح ضايفاها..يا ريت لو في صدق بكلامك تعرض المحادثه امام المليء ازا كانت فعلا موجودة ومش بس كلام..

انا لا طمعانه باشراف ولا غيرو..حتى مشاركاتي انعدم نشاطها في المنتدى الاخر..ايه المصلحة من اتهامك دة..او خلينا من سوء تفاهمك..في انتظار ردك..

عزيزتي فاتن
انا ماكلمتكش بأسلوب شديد اللهجة
عشان تجاوبيني بهذه الطريقة
وفوق هذا توجهيلي اتهامات
عهد المشاكل قد ولى منذ زمن بعيد
بكل بساطة لو كنت فعلا زي مابتقولي بريئة
احنا كنا مستنيين دفاعك عن نفسك قبل شطب عضويتك بهذا الموضوع
[ندعوك للتسجيل في المنتدى أو التعريف بنفسك لمعاينة هذا الرابط]
ظليت مستنيك شهر والتقيت ساعتها عبر الماسنجر وفعلا قلتيلي انه جهازك عطلان وهتدخلي تدافعي عن نفسك ودخلتي فعلا لكن لم تكتبي كلمة واحده بالموضوع دفاعا عن نفسك
خصوصا وان عضويتك هي من قامت بمسح المواضيع
على العموم اعيد قول ماكتبت سابقا
المنتدى مفتوحلك وعضويتك جاهزة
شريطة اعترافك بما اقترفتيه في حق المنتدى
اما في حالة ما اذا كنت بريئة
المرجو توضيح ما حصل وكيف تسرب رقم سر عضويتك الى فؤاد

انا حفوت الرابط وادافع
وازا كنت اتاخرت فدا لظروف قله دخولي للنت ..استنى بس افوت

لو في اي دليل يثبت انو انا الي طلبت من فؤ اد يمحي المشاركات
كنت اظهرتو يا رضا.. مش بس كلام..
يا خسارة على الثقة الي كانت...

على العموم
انا هعتبر ده اخر كلام عندي
ومش هعيد فيه كثير
اعتذار منك يساوي عضويتك القديمة بكل مزاياها
غير هذا يساوي رجوعك الى منتدى فؤاد المنتدى الشهير بسرقة تعب الناس
ما رأيك ؟؟؟؟؟؟؟؟؟؟

الأخوه الأعزاء

مر منتدى عشاق العندليب الأصلى منذ انشاؤه عام 2007 بتجربه يتعظ منها ذوى العقل والتدبر
واخى رضا ادرى بتفاصيلها والمؤامرات التى حيكت لهدم المنتدى
اما وان قام المنتدى قومة الفارس البطل الذى لم يهزم بفضل الله وجهود المخلصين من مشرفيه الحاليين واعضاؤه الجدد الذين شارفوا على الالفين فى اشهر اقل من اصابع اليد الواحده
علينا ان نحاذر وان نتعظ ولا نكرر ما حدث والاخت فاتن اخت طيبه فاضله يجوز ان تكون قد تورطت فى افشاء الباسورد وهى لا تعلم بالنيات السيئه ..لكن ذلك لا يمنع ان تعتذر ..لأن المشرف يحمل امانه ان فرط فيها ضاع منه كل الأمان

يجب ان تعتذر اذا كانت بريئة كما تقول اما رفضها للاعتذار فمعناها انها تثبت التهمة علي نفسها و يجب طردها من المنتدي في حالة رفضها للإعتذار

[ندعوك للتسجيل في المنتدى أو التعريف بنفسك لمعاينة هذه الصورة]

» عضوة جديدة و سعيدة جدا
» عضوة جديدة ^^ سلام
» عضوة جديدة معكم
» عضوة جديدة معكم
» نرحب بالفنانة القديرة عفاف راضي عضوة كريمة في منتدى عش الأسطورة

صفحة 1 من اصل 1