سيرة الحب ..كوكب الشرق..(بليغ )..حفل قصر النيل 3 ديسمبر 1964 ( الحفل الأول )

سيرة الحب..كوكب الشرق.. قصر النيل 3 ديسمبر 1964 ( الحفل الأول )
كلمات : مرسى جميل عزيز
لحن : بليغ حمدى

طول عمرى باخاف من الحب وسيرة الحب وظلم الحب لكل أصحابه
وأعرف حكايات مليانه آهات ودموع وأنين والعاشقين دابوا ما تابوا
طول عمرى بأقول لا أنا قد الشوق وليالى الشوق ولا قلبى قد عذابه
وقابلتك انت لقيتك بتغير كل حياتى
ما أعرفش إزاي انا حبيتك ما أعرفش إزاى ياحياتى
من همسة حب لقيتنى باحب وأدوب فى الحب وصبح وليل على بابه

فات من عمرى سنين وسنين شفت كتير و قليل عاشقين
اللى بيشكى حاله لحاله واللى بيبكى على مواله
أهل الحب صحيح مساكين
ياما الحب نده على قلبى ما ردش قلبى جواب
ياما الشوق حاول يحايلنى واقول له روح يا عذاب
ياما عيون شاغلونى لكن ولا شغلونى
إلا عيونك انت دول بس اللى خدونى وبحبك أمرونى
أمرونى احب لقيتنى باحب وأدوب فى الحب وصبح وليل على بابه

ياللى ظلمتوا الحب وقلتوا وعدتوا عليه قلتوا عليه مش عارف إيه
العيب فيكم يا فى حبايبكم أما الحب ياروحى عليه
فى الدنيا ما فيش أبدا أبدا أحلى من الحب
نتعب نغلب نشتكى منه لكن بنحب
ياسلام ع القلب وتنهيده فى وصال وفراق
وشموع الشوق لما يقيدوا ليل المشتاق
يا سلام ع الدنيا وحلاوتها فى عين العشاق
أنا خدنى الحب لقيتنى باحب وأدوب فى الحب وصبح وليل على بابه

يا اللى مليت بالحب حياتى أهدى حياتى إليك
روحى..قلبى..عقلى..حبى كلّى ملك ايديك
صوتك..نظراتك..همساتك شىء مش معقول
شىء خللى الدنيا زهور على طول وشموع على طول
الله ياحبيبى على حبك وهنايا معاك الله يا حبيبى يا حبيبى الله الله
ولا دمعة عين جرحت قلبى ولا قولة آه
ما بقولش فى حبك غير الله الله يا حبيبى على حبك الله الله
من كتر الحب لقيتنى باحب وأدوب فى الحب وصبح وليل على بابه

الله استاذ ايهاب...اختياراتك لنوعيه الاغانى والحفلات المميزه لها اختيار رائع

» انا وانت ظلمنا الحب..كوكب الشرق..( بليغ ) حفل قصر النيل 6 ديسمبر 1962 ( الحفل الأول )
» أراك عصى الدمع..كوكب الشرق ( السنباطى )..حفل قصر النيل 3 ديسمبر 1964 ( الحفل الأول )
» انساك..كوكب الشرق..( بليغ )..حفل قصر النيل 7 ديسمبر 1961 ( الحفل الأول )
» كل ليلة وكل يوم..كوكب الشرق..( بليغ ) حفل قصر النيل 5 ديسمبر 1963 ( الحفل الأول )
» الحب كلة ...كوكب الشرق..( بليغ ).حفل قصر النيل 7 يناير 1971 (الحفل الأول )

صفحة 1 من اصل 1