حوار السيده ام كلثوم مع الموسيقار بليغ حمدى..الكاتب محمود عوض نقلا عن بليغ حمدى
الجزء الثانى
(الحب كله)
يقول بليغ
وانا بسمعها مقدمه الحب كله لقيتها ابتسمت وقالت سمعنى كده تانى الايقاع اللى فى الاول
قولتلها مش فاهم انتى عايزه ايه
قالتلي اقلب العود وسمعنى الايقاع
وعملت اللى هى عايزاه
قالتلي اسم الايقاع ده ايه يافالح
قولتلها ايقاع قديم اسمه(الظرافات)
قالتلي ياروحى عليك ايه الشطاره دى كلها
رديت مش فاهم ياست انتى بتكلمى جد ولا بتتريقى
ده ايقاع قديم ونادر استخدمه سيد درويش فى موشح ( طف يادرى بالقنانى) لكن هو استخدمه مع حجاز الكرد انا استخدمته مع الراست
ردت .الله الله يابليغ انت تيجى تقعد جنبى وقراءت ايه الكرسى ويديها على راسى
كانت ست ريفيه بسيطه ونقيه
وقالت لى انت ربنا فاتح عليك ياواد يابليغ
ولو ركزت و بطلت (.......) حتبقى اجدع من عبد الوهاب وعمك السنباطى
اوعى تقول الكلام ده للسنباطى خلقه ضيق وياخد على خاطره واحنا مش ناقصين