انسانية حليم

الحوار ده انا سمعته من الاعلامى الكبير وصديق حليم وجدى الحكيم هو موقف بسيط جدا حكاه لكن معناه كبير اوى من جهة الانسانية هدخل فى الموضوع حليم كان بيحضر لحفلة واعتقد انها كانت خارج مصر ولكن مش متذكرة فين بالظبط المهم احد افراد الفرقة الموسيقية تعب واعتذر عن الحضور حليم اصر انه يروحله طبعا فى ناس كتير هتقول ان مطربين بيعملوا كدة وكانوا ممكن يكتفوا بارسال ورد وخلاص لكن حليم راح للرجل ده ومش بس كدة ده كمان كان دايما متابع وبيباشر الدكتور المعالج وكان دايما بيزوره لحد ما الراجل ده بقى كويس ورجع يكمل بروفات الاغنية ده موقف بسيط لكن بيحمل معانى انسانية كبيرة وحقيقى انا لما سمعت الحكاية دى اتاثرت اوى من انسانية حليم تجاه هذا الرجل وفى موضوع انا هنشره قريب انشاء الله حكاية برده صغيرة متعلقة بعيد ميلاد حليم كانت عادة بيعملها يوم عيد ميلاده هنشره قريب انشاء الله اعتقد بعضكم يعرفها

الف شكر على هذا الموضوع الاكثر من رائع فالعندليب رحمه الله كان انسانا عظيما بدرجة كبيرة مثلماكان فناناعظيما فهو له مواقف كثيرة تدل على انسانيته فقدكان يساعد الفقراء والمحتاجين ويساعد الطلبة والطالبات ليكملوا تعليمهم وايضا قام بانشاء مسجد فى الحلوات بلدته وساهم فى بناء جامعة الزقازيق بمحافظة الشرقية فالله يرحمه العندليب حبيب قلوبنا رحمة واسعة ويدخله فسيح جناته