لقد زارنى العندليب فى المنام

الأخت العزبزه بسبس حاجه جميله حصلة فى المنتدى بدايتا بذكرك لرؤياكى وهى ذكر الله من خلال حبنا لحليم فلماذا لا نذكر ما رآينا وكان سيدنا يوسف عليه السلام يفسر الاحلام.....فما الخظأ فى هذا؟
علينا ان نتقبل اراء الآخرين ونحترمها دون جدل لن يفيد.
قليل جدا من الناس من يدرك الروحانيات والأمور الباطنيه!!!!!!
وحليم مات مبطون كما ذكرت وكما يعلم جميع الناس من خلال حديث رسول الله صلى الله عليه وسلم ما معناه ان من مات مبطونا فهو من الشهداء فلماذا لا وحليم مات هكذا.
بيت حليم كان يذكر فيه كلام الله......اخته عليه شبانه قالت لى ان حليم كان عامل زى الصعايده لما يجى ضيوف يقول لكل ستات المنزل يالله روحوه على الحلوات ويقصد الجناح الاخر من المنزل لعدم رؤية الضيوف اهله من السيدات...يعنى كان غيور على اهل بيته وهذه من صفات المؤمن.
اوعدك انى حعرض مقابلاتى مع حليم...... وايضا بعد وفاته بعشرين سنه وهذا ايضا غريب جدا تعرفت على اخته الحاجه عليه شبانه واصبحت ادخل بيت حليم كبيتى وسبحان الله الحاجه عليه حبتنى حب شديد....هل كل هذا صدف....ابدا والله فأنا ربنا سبحانه وتعالى يقرب العباد من بعضهم الذين يحبون بدون اى غرض

اشكرك من كل قلبى اخى فؤاد على ان ستسمح لنا بالتعرف على ما داربينك وبين حبيب الكل حليم ولكن رجائى الاتتأخر فى عرض الموضوع وانا بجد مبسوطة ان من بين عشاق العندليب الكثير من المؤمنين الحمد لله
وعلى فكرة معاك كل الحق فى عدم الدخول فى جدل لن يفيد وانا والله لم اكن انوى الرد بس قلت لنفسى لعله يمكننى اقناع من لايقتنعون!!!!

بسبس الايه بتقول او ما معناه علشان ماكنش غلطان انك لن تهدى من احببت ولكن الله يهدى من يشاء.
فى حاجه تانيه وغريبه نسيت اقولها لك يظهر انى بدأت اعجز قوى.....تكمله ان الله يجمعك بمن تحب.....انت عارفه حليم كان بيحب سعاد حسنى اد ايه.....وبرغم ان الحاجه عليه قالت لى انه لم يتزوجها....ويمكن هى بتنفذ رغبت اخوها حليم فى عدم كشف هذه الحقبقه......وعموما هذا ليس موضوعنا الان ......الحب اللى بينى وبين حليم جمعنى بسعاد حسنى فى باريس فى احد المطاعم اللبنانيه الكبرى بباريس وغنيت انا وهى يا واد يا تقيل.....صدفه دى كمان؟!!!!!!
انا مش مغنى بس بحب ادندن اغانى حليم

هاهاها ايه الحلاوه دى كلها
يااخى يابختك قابلت حليم وسعاد حسنى وقاعد معانا تتكلم كده عادى!
طب والله انا زعلت منك دلوقتى لية ما بتحكيلناش عن الحاجات دى طيب ؟ موش احنا كلنا هنا اخوات وللا اية؟
طب دا انا كل حاجة بجرى احكيهالكم حتى الاحلام!

عوزة منك وعد دلوقتى بأنك تحكى تفاصيل اللقاء
ماشى!

على فكرة انا كمان عجزت قوى انا عندى تلتين سنة بس العجز موش بالسن
ولوطرحت موضوع بهذا المعنى هنا فى المنتدى حتلاقى ان كل الاعضاء معجزين والله !
جرب وحتشوف

اوعدك انى حكتب كل ما يكون عندى وقت......ايه ده مالى بتكلم كده زى ما يكون افتكرت نفسى مصطفى امين...هاهاهاهاهاهاها......ما تخلنيش اتغر فى نفسى.
استنينى 20 دقيقه وحسمعك صوتى فى اغنيه لحليم....هديه منى لكى.....ok?

ok

ليست مشكله تصديق
لان الرؤيا موجوده .....كما الحلم موجود
انما تهويل الامر كان هذا الذي مات ليست انسانا
قضى عمره في الدنيا ......سيحاسب
مثله مثل اي انسان اخر...
مصيره معروف القبر ثم يحشر يوم القيامه فيحاسب
حسب اعماله ...في الدنبا و الله وحده العالم بمصيره
هذي معلومه معروفه جدا ولها دلائل عن مصير الانسان من موته حتى قيام الساعه
الامر الغير بديهي هو الغلو في قراءه المجهول
والذي لا يعلمه الا الله


اذا راجعتي تفسير الاحلام لابن سيرين
هناااااك شروحات عده تفرق بين ما يسمى اضغاط احلام و هناااااااااك شروط واوقات يجب توفرها
في الشخص الذي يرى الرؤيا ... في المقدمه الكتاب تجيدين تفسيرا كاملا تستطيعين تحميله ...


الواضح انك لم تقهمي قصدي
اختي ........يعلم الغيب الله
هذا هو قصدي انا لن اجزم بمصيره ....بعد الموت
هذا شئ واضح....... راجعي القران و السنه
ادعي له بالرحمه .....
ولا تفهميني غلط هذه المره ايضا
لان الدعاءيحق للاشخاص الذين يعنينا امرهم بغض النظر عن مالهم

حليم انسان ..هذي المعلومه ليست صعبه جدااااااااااااااااا
ادعو له بالرحمه
اشياء اخرى مجرد دعايه و تعلق شديد
يحشر المرء مع من يحب يوم القيامه .......معلومه معروفه جدا و اكتفي بهذا

بعد احترامى للاخت الوسادة الخالية انا قرات ردودك انا عايزة افهم حاجة حضرتك سبيتى وشتمتى فى المصريين قبل كدة اعتقد ان على الدردشة وده كان من مدة كبيرة انا مفهمتش ليه شتمتى على المصريين لو انتى تعرفى حد مصرى دايقك ده مش معناه ان كل المصريين وحشين انا مش بقول كدة لانى مصرية برغم ان الحمد لله انا مصرية وافتخر انى مصرية وافتخر برده انى من ام الدنيا ومتنسيش ان دى بلد حليم عمرى ما حكاية البلد دى فرقة معايا وخصوصا حتى لو كان عبد الحليم ده من اى بلد تانى كنت هحبه بس انا اديتك مثال انا بتكلم كدة بوجه عام حتى لو مكنتش مصرية مينفعش مثلا اغلط فى المغرب كلها الى هى بلدك عشان فيهم حد دايقنى برغم ان كلامك ازعجنى لاكن انا اعرف ناس من المغرب كويسين جدا وموجودين هنا فى المنتدى طبعا الناس مش زى بعض وانا ببعتلك الرسالة دى عشان بس اثبتلك ان مش كل المصريين وحشين زى ما انتى فاكرة ارجو انك تفهمى انى مقصدش ادايقك ده مجرد توضيح مش اكتر

حببتى برنسس دوليتا شكرا لآنك وضحتيلى الصورة
ومكنش عندى فكرة ان فى موقف ضد المصريين من بعض الاعضاء مع ان المصريين عمرهم ماكرهو حد ابدا
كل المصريين والله وبما انك عارفة كدة فحقولها لك كدة بالمصرى (بلاش تعاتبى حد وكبرى دماغك )وكل واحد منه لله

على فكرة اختى دوليتا انا قررت انى اتجاهل اى رد ما يعجبنيش لآن مش ده السبب اللى جمعنا
اكيد اللى جمعنا هوة حبنا لحليم
فليكن هدفنا الاسمى واى حد بيحاول يكون مستفز مالناش دعوة بيه ماشى!َ!

ماتصلوا على النبى يا اخوانى كلنا عرب وامة واحدة لايوجد فرق بين مصرى ومغربى ولبنانى اوسورى

عليه الصلاة والسلام
اختى عاشقة حليم ومين قال ان فيه فرق بالعكس انا عندى اصدقاء غير مصريين وبحبهم جدا يمكن اكتر من اصحابى اللى اتربيت معاهم وعمرى ما كان لية تحفظات على جنسية اصدقائى او ديانتهم ابدابس يمكن انا ماعرفتش اوصل المعلومة دنا حبيت اقفل المناقشة فى الموضوع علشان ما تتخلقش خلافات مايصحش تحصل اصلا حتى انى قلت انى موش حرد على اى حد بيحاول يستفزنى ودعيت اختنا دوليتا كمان علشان تعمل زيى لآنى لاحظت ان اختنا الوسادة الخالية كل ما تحاول ترد اوتبرر موقفها بيزيد عدد مهاجمينها وعلشان ما يحصلش اى نوع من العدائية انا بدعو اختنا الوسادة ان تكف عن الرد على الموضوع واذا كان عندها حلم او موقف طريف تتفضل تحكية وبلاش ردودها المستفزة دى ما تخلينا اخوات احسن ونشارك بعض فى احزانا وفرحنا وانا بدعوها انها تشارك معانا بأى موقف طريف اوحكاية حلوة اوغنوة كويسة وصدقينى اختى عاشقة حليم انى حكون اول واحدة ترد عليها

اولا موضوعك عجبنى جدا اختى بسبس وانا شاركت فيه لانى برده حلمت بحليم وقولت حلمى وبعتذر بشدة انى حطيت المعلومة الى حبيت اوصلها لختى الوسادة الخالية هنا بس فعلا ردها عليكى دايقنى جدا واخى رضا اعتقد نبها من ردها بصى اختى بسبس انا مش بعمل مشاكل والله بس بما انها دخلت وردت هنا قولت احاول بس اوصلها معلومة لاكن مقصدتش يحصل اى هجوم او عداء بينى وبينها او بين اى حد انا شوفت ردها على موضوعك وده شجعنى اكتر انى اقولها الكلام ده انا مكنتش هتكلم بس لما شوفت ردها قولت لازم اوصلها معلومة وفعلا زى ما انتى قولتى اى حد يحاول يستفزنا ملناش دعوة بيه احنا برده فى الاخر كلنا عرب ولازم نحب بعض وده الى خلانى اقولها ان المصريين مش وحشين زى ما هى فاكرة وفعلا الى جمعنا هنا حب حليم اتمنى ميكنش كلامى دايق اى حد واتمنى انها لو قرات كلامى تفهم انى مش قصدى ادايقها وانشاء الله تكونى فهمتينى اختى بسبس شكرا على ردك الجميل واوعدك انا كمان هتجاهل اى رد مستفز