جزء من اغنية المسئولية بصوت صديقي العزيز اسامة

اقدم لكم اليوم اغنية المسئولية بصوت صديقي العزيز اسامة
وهي اهداء لاستاذنا محمد الالاتي بالطبع لكم ارق تحياتي جميعا
علي هذا الرابط هنا

الله الله
صوت رائع يا اسامة
عايزين اغاني ثانية ارجوك
بس يا ميدو دي مش غنوة المسؤولية
دي غنوة بلدي يابلدي
ركز ارجوك
الاستاذ الالاتي هيزعل منك من ثاني
هههههههههههههههههههههههه

تسلم حليم بس هي فعلا اغنية المسئولية

ويارب يكون الصوت عجبك

الله ينور اسامه

لكن حليم يغنى للثوار وليس للسمار

فيقول بلدى يابلدى بلد الثوار وليس السمار!!!

تحياتى ننتظر المزيد

هههههههههههه

حاضر من عيني
مشكور علي اللمحة دي

بس هي ثبتت في بالي كده .. من يوم ما قدمتها قبل كده في حفلة تنصيب .. وكنت مغير كل الكلام زي الاشتراكية مثلا .. كنت مغيرها ... والثوار كنت مغيرها للسمار

اعذرني بقي ان هي ثبتت بالشكل دا في بالي

منورني ياجميل

واحب ابلغك اني معجب بصوتك ... وربنا يحميك

انا قلتله بلدي يا بلدي هو اللي قلي انشرها كده انا مليش ذنب ههههههههههه

معلش بقي ... عندي دي

بس هي علقت معايا كده والله

يعني ياميرو اغنية من الجهرة للسالمية اكيد تعرفها

كنت في حفلة برضوا .. ( عيد الشرقية القومي )
خدت كلماتها وغيرتها ... لصالح الاغنية المناسبة للشرقية

يعني مثلا قولت

بدل من الجهرة للسالمية ... قولت من سينا للغربية
رافعين علم الحرية .... غيرتها رافعين علم القومية
رايحة الوف وجاية الوف تهني بعيد الحرية ... غيرتها رايحة الوف وجاية الوف تهني بعيد الشرقية

يعني حاجة زي كدة

تقبل عذري ..... وبعدين انا مش قدك ياعم

الله يحميك

صباح الخير يافنانين ..

هناك سؤال محشور فى زورى .. حايفطسنى ..

إشمعنى الأستاذ أحمد دويدار .. هو الذى يرفع لنا أعمال الأخ أسامة ..

هو لا سمح الله .. الأخ أسامه مابيعرفش يكتب ؟؟

عموماً .. شكراً للأستاذ أحمد .. لتعريفنا بهذا الصوت الواعد ..

خلينا فى المهم ..

الأستاذ رضا .. حاول تصحيح إسم الأغنية .. هى فعلاً المسئولية ياأستاذ رضا .. وبيغنى فيها ( بلدى يابلدى ) فى أخر الكوبليهات .. وهذا الذى أدى إلى الإلتباس ..

أما الأستاذ عمرو .. حاول تصحيح كلمة فى الأغنية ..

فى الحقيقة ياأستاذ عمرو .. الجزء الذى غناه لنا الأخ أسامة .. كله أخطاء فى الكلمات ..

يظهر إن الأخ أسامة مش حافظ الأغنية كويس .. بيألف كلام من عنده .. ربما تكون فاتحة خير .. ويطلع مؤلف كمان .. خير وبركة ..

نيجى بقى للأداء ..

وقبل ماأتكلم .. أرجو ماتكونش بتزعل من النصيحة .. زى واحد صاحبنا ..

المقطع الذى غنيته ياأستاذ أسامه .. يبدأ بمقام الكرد .. ثم نهاوند ثم راست .. وشوية تحويلات ليس المجال متسع للحديث عنها ..

المهم .. أن هناك شوية مقامات جميلة فى المقطع ..

المشكلة بقى .. إنك مش عافق المقام كويس .. يعنى بتخرج عن المقام .. ليس نشاز .. ولكنه خروج .. بمعنى أنك تغنى بلحن مختلف فى بعض المقاطع .. أعذرنى .. لأنى ملحن .. والحاجات دى بتعملى أرتكاريا .. يعنى باهرش لما أسمع أخطاء لحنية ..

هناك خطأ جسيم وقعت فيه .. عند غناء الشطرة التى تقول ( ياعديم الإشتراكية .. ياخاين المسئولية ) .. غيرت الطبقة الصوتية .. وهذا هو النشاز بعينه .. يعنى كنت بتغنى من المى مثلاً .. وفجأة .. لقيتك بتغنى من الرى .. غلط ..

نيجى بقى للنصائح ..

نظم نَفَسَك وإنت بتغنى .. ماتقولش المزيكا ببقك .. ده حايخليك تلقف وإنت بتغنى .. يعنى مش قادر تاخد نَفَسَك ..

إحفظ الكلمات واللحن كويس .. إعمل بروفه وإتنين قبل ماتسجل .. إحنا مش مستعجلين ..

وبعدين عايز أقول نصيحة لك ولكل من يغنى لنا ..

ممكن تغنى مع نفسك .. أو فى الحمام .. أى حاجة .. تغلط .. تخطئ .. تعك حتى ..

لكن عند تسجيل أى شئ بغرض إسماعه للأخرين .. يجب أن تسجل أحسن حاجة عندك ..

تقدم لنا أجمل أداء .. علشان نعرف نقيمك كويس ..

ماتعملش زى واحد صاحبنا .. قاعد يدندن مع نفسه .. وهو بيسلك البلاعة .. وقام بتسجيل هذه الدندنة .. وفى الأخر .. رفع لنا هذا التسجيل الفريد ..

فى النهاية .. نحن نقدم النقد والنصيحة .. بغرض التصحيح والإصلاح .. وليس الهدم ..

ربنا يوفقك ..

إسمع بقى نفس المقطع بصوتى .. علشان تعرف أخطاءك فين ..

http://www.4shared.com/file/97753143/b0e5497f/_online.html

يا استاذنا ههههههههههههههه والله ضحكتني
انا بجد نصايحك وسام فخر ليا وطبعا مفيش ملحن ميكنش يعرف يعزف عشان كده هشتري عود وهتعلم الموسيقي في الصيف ده ان شاء الله..اما بالنسبة لحكاية اني بجيبلكم التسجيلات في ده يرجع لاني بكلم اسامة ع الشات والراجل بيرحب باي حد يود استماع صوته ونشرها بالمنتدي يعني مفيش خصوصيات في الموضوع لانه امر عام...اخيرا اليوم ادركت انك كذلك ملحن وده شئ عظيم واسمحلي اقدم اليوم كوبليهين من قصيدة ليتني كروان وحضرتك ليك الحق طبعا في القبول او الرفض في التلحين واشكرك جدا بس خف عليا حبه حبه هههههههههه

قصيدة ليتني كروان
همت يوما مع حبي ووجدي..فحب قدر فالحب امدي
احتضر سيف غدرك وانتحـ..ـرحبي بعدك انجرح كبدي
*************************
كيف هجرك ضيع شبابي؟ فسيفه مات قبل عتابي
اه من غدر اعز احبابي ..اه من هجر كل اصحابي
******************
احتضنت حبك فلم اجده..ورعيت وعدك فلم تعده
فلما لا تعده يا زماني..شكواي صاحت اه لحناني
*************
لماذا لما وهويت بما كـ ــفي ضحيت انا هجرت هنا
بدون حبك ..بدون امرك ..يهون امرك يا زماني
__________________________________________
عذبت هوايا في ليالي هباء..صبرت بكاي وهل نلت الصفاء
ابدا ابدا انا لم انل سوي عنائي
ابدا ابدا انا كنت احمق بغبائي
يا ليت كان عمري حلم سعيد..في وسط زمانك نال التخليد
ابدا ابدا لم اقل ابدا يامن فداك دمائي
ابدا ابدا لم يكن عندا حين تركت هنائي
***********************************
تدور ايامي كما درات سواقي..وانزف احلامي من عين اشواقي
وبشرع هيامي بكي علي اخفاقي..وكل شيئا يفني وذكر الله باقي
************************
لماذا لما وهويت بما كـ ــفي ضحيت انا هجرت هنا
بدون حبك ..بدون امرك ..يهون امرك يا زماني

ايوة كده الله ينور ياعمونا محمد تسلملي يارب من كل سوء يارب

انا ما انا الا بعض شئ من شئ

ولسه بنتعلم ... واهو موهبه ما بفكرش اني اكونها ولا اسقلها

وبالنسبه للكلام والله انا مغيره ياناس .. حسب الاماكن اللي كنت بقدمها فيها

وتسلملي يارب مشكور ... وخليك معانا اول بأول

ورأيك فوق فوق فوق فوق راسي

وسمعت ادائك ونقدك ... شكلي بقي بطاطس هههههه

medodowidar كتب:: يا استاذنا ههههههههههههههه والله ضحكتني
انا بجد نصايحك وسام فخر ليا وطبعا مفيش ملحن ميكنش يعرف يعزف عشان كده هشتري عود وهتعلم الموسيقي في الصيف ده ان شاء الله..اما بالنسبة لحكاية اني بجيبلكم التسجيلات في ده يرجع لاني بكلم اسامة ع الشات والراجل بيرحب باي حد يود استماع صوته ونشرها بالمنتدي يعني مفيش خصوصيات في الموضوع لانه امر عام...اخيرا اليوم ادركت انك كذلك ملحن وده شئ عظيم واسمحلي اقدم اليوم كوبليهين من قصيدة ليتني كروان وحضرتك ليك الحق طبعا في القبول او الرفض في التلحين واشكرك جدا بس خف عليا حبه حبه هههههههههه

حصل خير ياأحمد ..

وبعدين .. إنت لسه عارف دلوقتى إنى ملحن .. كنت فاكرنى بشتغل إيه ياأحمد ..

واحد إسمه الألآتى .. وبتاع مزيكا .. يبقى بيشتغل إيه ..

أما بخصوص قصائدك وأشعارك .. التى تتمنى تلحينها ..

عايز أقولك حاجة مهمة ..

أنا بشتغل ملحن ياأحمد .. يعنى ده أكل عيشى .. ممكن أوزع أو أنفذ أغنية إذاعية .. يعنى موجودة .. بتاعة أى مطرب .. أغنية لعبد الحليم أو أم كلثوم مثلاً ..

لكن علشان ألحن أغنية جديدة .. مش ببلاش يااأحمد ..

لأنى لو فتحت الباب ده .. مش حايتقفل .. وحاكل طوب أنا وعيالى ..

أرجو أن تكون المسألة واضحة لك وللجميع ..

إنت ممكن بقى تستعين بواحد فى سنك مثلاً .. شاب زيك يكون غاوى تلحين .. وتطلعوا مع بعض ..

يعنى عبد الحليم لما طلع .. طلع مع الموجى والطويل .. وكانوا شباب زيه .. ولسه بيقولوا ياهادى ..

ماينفعش واحد جديد .. يطلب من ملحن محترف يلحن له ..

عصفور الشتا كتب:: واهو موهبه ما بفكرش اني اكونها ولا اسقلها

وليه ماتفكرش تصقل موهبتك وتنميها ..

عصفور الشتا كتب:: وبالنسبه للكلام والله انا مغيره ياناس .. حسب الاماكن اللي كنت بقدمها فيها

إنت ممكن تغير الكلام حسب الظروف .. يعنى لو حاتغنى مونولوج نقدى .. وعايز توصل للناس حاجة .. أو تغنى الأغنية فى مكان يستلزم تغيير الكلمات .. لكن عندما تغنى لنا .. لابد أن تغنى الأغنية الأصلية .. لأنى زى ماقلت لك .. بازعل لما حد يغير فى كلام أو لحن العظماء .. لأن دول ناس عمالقة .. نيجى إحنا إيه جنبهم علشان نغير فى كلامهم أو لحنهم ..

عصفور الشتا كتب:: وسمعت ادائك ونقدك ... شكلي بقي بطاطس هههههه

ولا بطاطس ولا حاجة ياأسامه .. أنا حبيت بس أسمعك الأداء الصحيح .. مش أعمل مقارنة أو سباق بينى وبينك .. إنت راجل صوتك حلو ياأستاذ .. وصوتى جنبك ولا حاجة .. الفرق إنى باعرف أغنى صح ..

كلامك علي عيني وعلي راسي..انا كنت فاكر حضرتك قائد فرقة يعني
ع العموم انا مش زعلان ولا حاجة ويارب تكون حضرتك مش زعلان مني برضه
اصل يا استاذي عارف ان جيل عبد الحليم والطويل غير جيلنا خالص
يعني شوف جيل حليم كان ملئ بالملحنين اما اليوم ههههههههه كل سنة وحضرتك طيب
انا اقصد تلحين الاغاني الطويلة او القصائد واليوم محدش بيقدر يلحن عدل ولو خمس دقايق ههههههههههه ولا يهمك انت علي راسي من فوق وكل عام وحضرتك بخير

وعلي فكرة احنا ممكن نغير الكلام في حالة اذا استلزم الامر للضرورة بمعني كامل الشناوي لما قال (قدر احمق الخطي) شوف حضرتك كم الجهل اللي في اللفظ (احمق)لان القدر من عند الله وانا اعتقد علي اتذكر ان محمد ثروت غيرها الي(قدر واثق الخطي) يعني للضرورة احكام ده لو تطلب الامر يعني ده رايي الشخصي

medodowidar كتب:: يعني شوف جيل حليم كان ملئ بالملحنين اما اليوم ههههههههه

العكس هو الصحيح .. اليوم موجود مطرب لكل مواطن .. وملحن لكل مطرب .. العدد فى الليمون ..

حتى المطربين بيلحنوا لنفسهم ..

يااستاذي انا اقصد الملحنين اللي انا عايزهم ..اكيد انت فهمت قصدي

اقصد موهبة ان كانت حتي 1/100 من موهبة بليغ او عبد الوهاب او السنباطي او الموجي يعني شتان بين ما اقصد وبين اليوم بتوع العنب العنب ههههههههههههه
انا ايضا عرفت ان رضا بيلحن فياريت يسمعنا كده ويشوف كمان الكلمات

شكرا جزيلا انا رأيي لو الأخ يغني بطريقته و ان لا يقلد عبد الحليم شكرا

مشكور استاذي علي المرور المشرف ومعجب برايك وسأعمل به ان شاء الله