شكل تانى..عبد الوهاب..( إحلال )

شكل تانى
كلمات : حسين السيد

شكل تاني حبك أنت شكل تاني
حب غالي حب نارة مدوباني
حتى لما بتنسى مرة وتعاتبني بكلمة مرة
العتاب المر برضو له حلاوة
شكل تاني حبك أنت
خوفوني من هواك قبل ما حبك
قالوا ياويلة ياويلة ياويلة
إالى يسكن جمب قلبك
قلت هو ده الى نارة مدوباني هو ده
الى قلبة يبقى شكل تاني هو ده
حتى لما بتنسى مرة وتعاتبني بكلمة مرة
العتاب المر برضو له حلاوة
شكل تاني حبك أنت

تسلم استاذ ايهاب بس وحشنا الحاجات اللى تخص اعز الناس ليمو يرحمه الله اناالوحيدة اللى دلوقتى بعمل له حاجات فى التصميمات اللى بعملها يوميا

...صباح الخير ياأخت نهى..
احنا بنرتب حاليا المنتدى كلة ..وفية أقسام حتتشال وأقسام حاتتغير وكذلك أبواب جوة الأقسام..
الأغانى اللى بنزلها دى بتاعة عبد الوهاب بتحل أغلبها مكان نفس الأغانى اللى كانت فى القسم الخاص بة واللى روابطها تلفانة او اللى كانت على الفور شيرد..( بنستبدل دلوقتى من اليوتيوب السريع مع مراعاة إختيار أحسن جودة صوت ممكنة..)...بعد عبد الوهاب هنمسك قسم الست...وبعدين أساطين الطرب...وأقسام حليم باردو هانخش فيها بعد فترة مش بعيدة..يمكن بعد رمضان بشوية صغيرة..وكل المشرفين هايشتغلوا وانت معانا..الأدوار هانوزعها بالأتفاق..دة الإتجاة العام دلوقتى...وكل حاجة هاتبقى واضحة ليكى عن قريب...
...نقول تانى..الغرض من تنزيل الاغانى دى مش طرح مواضيع جديدة ( لانها مش جديدة )...الغرض تطوير قسم مهم من اقسام المنتدى...وماتنسيش ان المنتدى فية قطاع لا بأس بة أبدا من عشاق الموسيقار والست وإرضائهم ( بتطوير أقسامهما ) واجب على الإدارة...وفى اى حالة إرضاء عشاقهما وكمان عشاق باقى أساطين الطرب فى المنتدى ( عشاق شادية وفايزة ونجاة..)..كل دة مش هايكون على حساب أيقونة المنتدى والذى بسببة أنشئ..حليم...

رد إلى الأخت نهى

الله الله الله.... واحدة من أجمل ألحان الأستاذ... تسلم الأياااادي

صفحة 1 من اصل 1