أقولك اية عن الشوق..كوكب الشرق ( السنباطى )..ستوديو

أقولك اية عن الشوق..كوكب الشرق..ستوديو
كلمات : عبد الفتاح مصطفى
لحن رياض السنباطى

أقولك ايه عن الشوق يا حبيبي
أقولك ايه ومين غيرك داري بي
ليالي في هواك أسهر وافكر
ومهما قلت لك في القلب اكتر
شوية ان اقول لك حبيبي
ياريت فيه كلمة اكتر من حبيبي
اقولك ايه وايه يوصف هوايا
وانا ف قلبي كلام مالوش نهايه
دي أجمل كلمة في الدنيا حبيبي
بقولها لك وبرضه مش كفاية
ماقولش منايا كان حبك
ده أكثر من اللي بتمناه
وم الفرحة وانا جنبك
باعيش في كل لحظة حياة
وقلبي نعيمة ف قربك
وانت فرحته ودنياه
واقول لك ايه
شوية اني اقولك يا حبيبي
يا ريت فيه كلمة أكثر من حبيبي
هواك هوه اللي خلا العمرغالي
وبالثانية أحسبه مش بالليالي
وأخاف أسرح تفوتني لمحه منك
وم الدنيا اللي أجمل من خيالي
هواك نسى الزمان طبعه
وخد منه الأمان لينا
وداري عننا دمعه
وخلاه ما دري بينا
ونور للأمل شمعة
وطمن بيه ليالينا
واقول لك ايه
شويه اني اقول لك يا حبيبي
يا ريت فيه كلمة اكتر من حبيبي
وعودك في الخيال غالية عليّا
وأجمل من حقيقة بين ايديّا
واصدق كل كلمة قلتهالي
واكذب في هواك ظني وعينيّا
يا ريت في كلمة أوصف بها حبك
واقولها لك ما بين قلبي وقلبك
ما يقدرش الكلام يوصف غرامي
ولا أشواقي في بعدك وقربك
واقولك إيه
شويه اني اقول لك يا حبيبي
يا ريت فيه كلمة اكتر من حبيبي

» أقولك اية عن الشوق..كوكب الشرق ( السنباطى )..حفل نادى الشرطة 25 يناير 1964
» أقولك اية عن الشوق..كوكب الشرق ( السنباطى )..حفل حديقة الازبكية 2 يناير 1964
» أقولك اية عن الشوق..كوكب الشرق ( السنباطى )..حفل 5 ديسمبر 1963 ( الحفل الاول )
» شمس الأصيل..كوكب الشرق ( السنباطى ) ستوديو
» حديث الروح..كوكب الشرق ( السنباطى )..ستوديو

صفحة 1 من اصل 1