عودت عينى..كوكب الشرق ( السنباطى ) حفل الازبكية 5 ديسمبر 1957 ( الحفل الأول )

عودت عينى..كوكب الشرق حفل الازبكية 5 ديسمبر 1957 ( الحفل الأول )
كلمات : أحمد رامى
لحن : رياض السنباطى

عودت عيني على رؤياك وقلبي سلم لك امري
أشوف هنا عنيا فى نظرتك ليا
والقى نعيم قلبي يوم ما التقيك جنبي
وان مر يوم من غير رؤياك...ما ينحسبش من عمري
****
قربك نعيم الروح والعين ونظرتك سحر والهام
وبسمتك فرحة قلبين عايشين على الأمل البسام
ان غبت يوم عني افضل انا وظني..يقربك مني ويبعدك عني
واحتار فى امري معاه ومعاك
وان مر يوم من غير رؤياك مينحسبش من عمري
لو كنت خدت على بعادك كنت أقدر اصبر واستنى
واسهر على ضي ميعادك لما الزمان يجمع بينا
ابات على نجواك واصبح على ذكراك
واسرح وفكري معاك لكن غالبني الشوق فى هواك
وإن مر يوم من غير رؤياك ما ينحسبش من عمري
زرعت فى ظل ودادي غصن الأمل وانت رويته
وكل شئ فى الدنيا دي وافق هواه انا حبيته
ومهما شفت جمال وزار خيالي خيال
انت اللى شاغل البال وانت اللى قلبي روحي معاك
وإن مر يوم من غير رؤياك ما ينحسبش من عمري
ويوم ما تسعدني بقربك الاقي كل الناس احباب
ويفيض على نور حبك اقول مفيش فى الحب عذاب
الحب كله نعيم لا فيه عذول بيلوم..ولا فيه حبيب محروم
يا ريت يدوم للقلب صفاك واقضي طول العمر معاك
ده ان مر يوم من غير رؤياك ما ينحسبش من عمري

» عودت عينى..كوكب الشرق ( السنباطى ) حفل الازبكية 19 ديسمبر 1957
» عودت عينى..كوكب الشرق ( السنباطى ) حفل الازبكية 4 ديسمبر 1958
» عودت عينى..كوكب الشرق ( السنباطى ) حفل الازبكية 5 مارس 1959
» عودت عينى..كوكب الشرق ( السنباطى ) حفل الازبكية 5 يونيو 1958
» عودت عينى..كوكب الشرق ( السنباطى ) حفل الازبكية 3 ابريل 1958

صفحة 1 من اصل 1