غلبت أصالح فى روحى ..كوكب الشرق ( السنباطى )..ستوديو 1946

غلبت أصالح فى روحى ..كوكب الشرق..ستوديو 1946
كلمات : أحمد رامى
لحن : رياض السنباطى

غلبت أصالح فى روحى عشان ماترضى عليك
من بعد سهدى ونوحى ولوعتى بين إيديك
صعبان على اللى قاسيته فى الحب من طول الهجران
ماعرفش إيه اللى جنيته من بعد مارضيت بالحرمان
فضلت أقول الزمان غير على البعد حالك
وإلا الرضا بالهوان كتر عليّا دلالك
وانا اللى أخلصت ف ودى وفضلت طول العمر امين
ياخد الزمان منى ويدى وقلبك انت عليّا ضنين
كنت أشتكى لك أيامى اشكى لمين ظلمك لى
وكان رضاك نور أحلامي لما الزمان يقسى عليّا
صبحت أشكى منك لروحى وفضلت أخبي عنك جروحى
وبعدت عنك والفكر كان دايما وياك
والقلب منك غضبان فى دنيا الحب معاك
مجروح وضامم جناحه على الجراح اللى فيه
الليل يردد نواحه طول ما أليفه مجافيه
لما الزمان اللى غدر به بعدك وكنت نديم شكواه
رماك وجه السهم فى قلبه عطف عليك والوجد ضناه
حتى الزمان اللى كان عطفك يعينّى عليه
خلانى أرضى الهوان واسلّم الروح إليه
واسأل عنك والقلب كان غضبان منك
واحمل همّك وانا اللى طول بعدي ماهمّك
وأبات أصالح فى روحى عشان ماترضى عليك
وانسى سهادى ونوحي ولوعتي بين إيديك

» غلبت أصالح فى روحى ..كوكب الشرق ( السنباطى ) حفل الازبكية 3 فبراير 1949
» غلبت أصالح فى روحى ..كوكب الشرق ( السنباطى ) حفل نادى هليوليدو 9 ديسمبر 1954
» غلبت أصالح فى روحى ..كوكب الشرق ( السنباطى )..حفل غير محدد المكان ( إحتمال 1950 )
» نهج البردة..كوكب الشرق ( السنباطى ) ستوديو ..إنتاج 1946
» قصيدة السودان..كوكب الشرق ( السنباطى )..1946

صفحة 1 من اصل 1