موضوع: نوبة على كوبرى قصر النيل...ديالوج الأستاذ وسمحة ( سمحاء ) المصرية..1923 الإثنين 7 أغسطس 2017 - 20:33
نوبة على كوبرى قصر النيل ديالوج الأستاذ وسمحة ( سمحاء ) المصرية كلمات : بديع خيرى لحن : محمود رحمى وإبراهيم فوزى
هذا الديالوج واحد من أربعة ضمن مسرحية " انت وبختك " لعبد الوهاب وسمحة المصرية عام 1923 من إخراج بديع خيرى
من هى سمحة المصرية؟ سمحاء كوهين..فتاة مصرية..لها صوت قوى شجى ذو طبقات عالية توقعوا لها مستقبلا كبيرا فى عالم الغناء والطرب..إلّا أن الرباط الزوجى حتّم عليها الإعتزال المبكر....
نوبه على كوبرى قصر النيل في أحداه والطقس جميــل كانوا الكشافة فايتين تم ترارم تم تم ..بام بام.. البروجى و.... ازدان ياحلاوته خفه وهمه..هما والطبلجى ماشيين تم ترارم تم تم ..بام بام..
اتلموا الناس على الصفين راحوم من الفرحة مسّأفين (مسقفين ) وقالوم تعالوا نشوف الكشافه المصريه بنت الشبيبه العصريه مأطأطين (مقطقطين ) مزأططين (مزقططين ) و بالقلوب ملتفتين
لسه فى عز الإنبساط ويسمعولك صريخ وصوات بنتى وطبّت فى الميه تم ترارم تم تم ..بام بام.. طاخ طاخ...
البروجى وقف مذهول والطبلة سكتت على طول وانا باقول اية السقعة ديّا تم ترارم تم تم ..بام بام..
بقى كل الناس مخضوضين على المسكينه دى مقبوضين وقالوم تعالوا نشوف الكشافة المصرية بنت الشبيبه العصريه اللى صيتهم متنعمين فى الحالة دى راح يعملوا اية
مافاتتش دقيقة على دى الحال إلا البروجى راح منشال وحدف نفسة فى النيل تررم تم تم...طاخ طاخ وابن له بلّغة من فوق لازم يقوى قلبه بشوق لما شجعه بالتصفيق تررتم تم...
الله لما طلّع من الميّة على اسلوب الإفرنجيه والناس بتهتف تعيش الكشافة المصريه تعيش الشبيبه العصريه يخليهم لأهاليهم ....................