موضوع: أنشودة الشباب...الأستاذ...1945 السبت 12 أغسطس 2017 - 17:54
أنشودة الشباب...1945 ( وطنى ) كلمات : صالح جودت ( عيد ميلاد الملك )
قالوا لى إيه الشباب قلت الشباب غنوة تسرح فى ظل الربيع وفي طلعته الحلوة يتفتح القلب زاهى الورد بالنجوى ويبارك الحب كل من علا ربوة
وانا الحبيب اللى بأحبه واجعل شبابى فدا شبابه أغير من الدنيا فى حبه و الدنيا كلها أحبابه أعيش فى ظله بأحلامى و أقول حبيبي اللى أتمناه يسعد حياتى و أنغامى لو عشت لحظة فى ظل رضاه
ياللي آمال الشباب ترويها إيدك الليله عيد الشباب الليله عيدك دعانى داعى شبابك قمت لبيتك ميلادك ساحر جمالك قمت حبيتك من كتر غيرتي عليك في القلب خبيتك وقلت لك يا فاروق القلب ده بيتك
شبابك نفحة من الجنة تهني الروح وتسعدها وتاجك مصر تتهني عليه والدنيا تحسدها
وعيدك غنوة تتغني وطول الليل أرددها وأقول للفجر يستني لفرّح مصر يوم عيدها
قالوا لى إيه الشباب قلت الشباب غنوة تسرح فى ظل الربيع وفي طلعته الحلوة يتفتح القلب زاهى الورد بالنجوى و يبارك الحب كل من علا ربوة