تسجيل نادر للعندليب

[b]
من مجلة الكواكب
وكان هذا التسجيل من برنامج فكرونى الذى كان يعده الاعلامى الكبير وجدى الحكيم وكان حليم يقدمه ويتكلم عن اى موضوع ومعلومات عنه
يقول العندليب
فى عصرنا شاف قصة حب حصلت فى انجلترا وبطلها ملك وكان من المفروض ان يختار واحدة من العائلات المالكة الاخرى ليتزوجها ولكنه احب واحدة وماكانتش انجليزية وربط الحب بينهما وكانت من ابناء الشعب ومطلقة واسمها مسز سيمبسون وكان عليه ان يختار بين الملك وبين مسز سيمبزون لكن الملك اختار حب مسز سيمبزون وتنازل عن الملك ووتولى بعده جورج السادس والد ملكة انجلترا الحالية وراح الملك يقيم فى دوقيته دوقية وندسور واصبح من سنة 36 سنة تنازله عن الملك يعرف باسم دوق وندسور بعد ان كان اسمه الملك نسيت حد فيكم فاكر
وجدى الحكيم كان الملك اسمه الملك ادوارد الثامن
يقول العندليب ان فناننا العربى المصرى عمر الشريف نموذج طيب بالنسبة للممثل العربى التى اتيحت له فرصة ونجح واصبح فنان عالمى وقد ظل عمر يمثل افلاما عربية مثلنا سنوات لحد مالفت نظر شركة كولومبيا العالية ونظر المنتج العالمى سام سبيجل فاخذه وعمل له دعاية كبيرة وقدمه لجمهور السينما فى العالم واثبت عمر ان الفنان العربى قادر بفنه ان يحطم الحواجز التى تعوق انتشار فنانينا الممثلين العرب فى العالم ياترى حد فيكم فاكر اول فيلم عالمى مثله عمر انا ناسى اسم الفيلم لكن فاكر الشخصية كانت مغامر انجليزى جاء المنطقة العربية اثناء الحرب العالمية الاولى وعمل كتاب اعمدة الحكمة السبعة ياترى افتكرتوا اسم الفيلم ايه حد فاكر فيكم فكرونى
وجدى الحكيم انه فيلم لورانس العرب
يقول العندليب
من يومين قرات كتاب حديث طلع فى امريكا عن قصة حب وزواج حصلت هى قصة حب وزواج جاكلين كيندى والمليونير اليونانى اوناسيس وكانت هذه القصة شغلت الصحافة والاذاعة والتليفزيون وكل الناس سمعوا عنها مش بس لان بطلة القصة جاكلين زوجة جون كينيدى رئيس امريكا ومش بس لا ن بطلها اوناسيس اللى كان من اغنى اغنياء لكن ايضا هذه القصة اثارت ردود افعال كبيرة على مستوى العالم وقت اعلانها والكتاب اللى بحكى عنه كتبته صديقة جاكلين عاشت معها عن قرب قصة حبها وكيف ان اوناسيس احب جاكلين واخفى حبه فى قلبه قبل وفاة جون كينيدى لحد ما حانت الظروف وتقدم لها وتزوجها وكانوا عايشين فى منطقة من اجمل مناطق العالم وسط جزيرة خاصة لهم يمتلكها اوناسيس والجزيرة دى جزيرة يووه نسيت والله محدش فيكم فاكر
وجدى الحكيم انها جزيرة اسكوربيوس
يقول حليم المدن مثل الناس كل مدينة لها وجه بعضها باسم وبعضها متهجم يعنى مكشر فمثلا باريس بتفكر بالشباب بالحب وعاملة زى البنت الحلوة اللى عمرها مابتكبر وتونس مثلا طيبة تحس انك قدام رجل طيب محتفظ بصحته وهونج كونج مثل الشخص اللى لابس ملابس عجيبة فوق راسه برنيطة ولابس شورت فوقه جلابية وطوكيو مثل الراجل الراهب الاسيوى اللى ساب المعبد وراكب طيارة
ففيه مدينة اوروبية بتقع فى ايطاليا وشوارعها انهار ومواصلاتها قوارب وانت قاعد فى الشباك تمد ايدك تلمس المية والمدينة دى بتفكرنىبجولييت بطلة مسرحية شكسبير الجملة الرقيقة اللى مش ممكن تلمسها وتتاكد من وجودها وتشوفها فى كل شارع وعلى باب كل بيت وفى رقبتها عقد فل وماسكة فى ايدها وردة وبالتاكيد كلكم عارفينها وبعضكم زارها ياترى حد يقولى اسم المدينة الايطالية العايمة ايه حد فيكو فاكر
وجدى الحكيم اسم المدينة فينيسيا او البندقية
يقول العندليب من يومين كنت بقرا كتاب جميل عن علم الاجتماع العلم الذى اصبح شيئا مهما فى حياتنا اليومية واصبح جزء لايتجزا من حياة الناس فى امريكا واوروبا وانا بقرا هذا الكتاب افتكرت عالم من علماء الاجتماع العرب اللى ليهم فضل فى معرفة هذا العلم والعالم ده كان وزير فى العصر الاندلسى وعاش خلال عالم مضطرب سياسيا وكمان كانت حياته الشخصية مضطربة يعنى عمل مع اكثر من امير ودبرانقلاب ودخل السجن ولدرجة نه قرر ان يحبس نفسه او ينعزل فى قلعة ليكتب كتاب المبتدا والخبر فى تاريخ العرب والعجم واتنسى هذا الكتاب لكن مقدمته ظلت معروفة لانه وضع اول نظرة علمية فى علم الاجتماع وهو عاش فى الاندلس ولكن لما فكر يحج وركب المركب الى الاسكندرية ثم القاهرة ثم اقرر ان يستقر فى مصر وعمل فيها فى القضاء وفى التدريس متهيا لى انكم عرفتوا مين العالم العربى اللى باتكلم عنه
جدى الحكيم انه عبد الرحمن بن خلدون