فى ذكرى عندليبنا المحبوب حوار مع روح عبد الحليم حافظ

[b]
من مجلة الاذاعة والتليفزيون مارس 2010
اولا وقبل كتابة الموضوع نقول الف رحمة ونور تنزل عليك فى ذكرى رحيلك اليوم يااعظم واحسن مطرب انجبته الدول العربية فانت مازلت الى الان المطرب الاول بدون منازع ودائما فى قلوبنا واسماعنا نحن عشاقك فى كل مكان فى الوطن العربى فالله يرحمك ياعندليبنا وحبيبنا كلنا وربنا يدخلك الجنة امين
بقلم الكاتب الكبير فؤاد معوض
السبت الماضى كان موعد حضور الجلسة والجلسة كانت لتحضير الارواح وبالتحديد روح حليم والمكان فى منتهى اللطافة والهدوء لازيطة وانما الصمت الرهيب الذى كثيرا ماتغنى به المهم جلست اتامل منظر ذلك الرجل الذى راح يتمتم ببعض الكلمات وسط دخان البخور ينادى على روح حليم ياسامع ندايا حبايبك معايا ماتخافش منهم وياللا قوام وفجاة ونحن فى قاعة كبار الارواح سمعنا صوتا هاتفافى السحر جاء يردد الجملة وكانه يغنيها نعم ياحبيبى صوته مضبوط الخالق الناطق صوته صاحبى وعارفه كويس ياجدعان واحتضنت الهوا بايديا قائلا للروح وحشتينى قوى وطبطبت الروح على كتفى وقالت لاتحزن ياولدى فالموت علينا هو المكتوب وقلت للوح ماحدش واخد منها حاجة غير النشاز بتاع العيال اللى بيغنوا اليومين دول وقالت الروح ادخل فى الموضوع طوالى
عايز اسال حضرتك كام سؤال
اتفضل
متشكر قوى انا لسة متغدى
ايه هو اللى لسة متغدى
الاكل انتى مش بتقوليلى اتفضل
اتفضل اسال علشان ماعنديش وقت
سالت الروح مارايك فى الاخرة
هادية وجميلة مافيهاش حسام حبيب ولاتامر عاشور انا هنا مرتاحة قوى
يعنى الاخرة ونعيمها زى مابيقولوا
طبعا علشان ماحدش من الناس دى جه وغنى لنا فيها
عاوز اعرف ياترى لسة بتقرائى جرائد ومجلات
طبعا مانت عارف دى عادتى من زمان
ياتى ايه اللى شد انتباهك فيها
الهجوم بتاع الواد تامر حسنى كل شوية يقولك انشهرته فاقت شهرة حليم
ومامصلحة تامر فى كدة
ش قادر افهم ايه المصلحة تكونش الطرق والكبارى او مصلحة البريد هاها
احنا ابنهزرش دلوقت وبنتكلم جد عاوز اعرف ماهى احلى اغنية بتحبى تسمعيها من اغانى تامر
ولااغنية الحمد لله ماعندناش هنا راديوهات ولاتليفزيونات
وطيب من اغانى محمد فؤاد
هو الاخ دة لسة على قيد الغناء
طيب وايمان البحر درويش ايه رايك فى صوته
دا لو غنى تانى حاضطر اقول لجدو عم الشيخ سيد دا فى القرافة اللى جنب منى
وماريك فى صوت وشكل شعبان عبد الرحيم
دا محتاج تنظيف جامد بالليفة ووالفينيك وبعد كدة تدوس جامد بمكوة رجل تبططه ونخلص
والاخ حلمى عبد الباقى
ياريت يبعتوه للعراق يغنى للعساكر الامريكان هناك
ازاى للعساكر الامريكان انت فاكر ان ماعندهوش وطنية
بالعكس دى الوطنية كلها انه يغنى لهم علشان يطفشوا من هناك
تعرف انوشكا
دى قزازة شامبو واللا ماركة صابونة بالريحة
دى مطربة
بتقول مقرئة
يادى النيلة انت مابتسمعيش مالها ودانك
تاعبهم لى هشام عباس بصوته واحدة جاية تزور جوزها فى التربة اللى جنبى وفاتحى الكاسيت عالاخر الا قوللى هشام مصرى
مصرى طبعا ايه اللى خلاكى تفتكريه هندى
علشان لمايغنى مابفهمش من كلامه ولاكلمة وبعدين الامن الغذائى عنكم ساكت على الناس دى ازاى
انت ماتعرفيش ان احنا ياست روح عايشين اليومين دول ازهى عصور الديمقراطية وكل واحد يعمل اللى نفسه فيه ان شالله يغنى
والديمقراطية دى مابتصعبوش عليها من عذاب هذه الاصوات
حتى لوبنصعب عليها لازم تسيب مصطقى قمر وايهاب توفيق واحمد برادة ومحمد عطية وغيرهم يغنى عملا بمبد اعطنى حريتى اطلق نشازى اننى اعطيت مااستبقيت شيئا
هاهاها
انتى بتضحكى باين عليكى مبسوطة
مبسوطة من خيبتكم مستحملين الاشكال دى ازاى مش قادرين تعملوا مظاهرة ولا انقلاب
انقلاب ايه احنا يهمنا الاهلى ياخد الدورى
هاها دمك خفيف زيى بالضبط اسمع النكتة دى اتنين مطربين من الصنف اللى بيغنى عندكم حاليا قابلوا بعض الاول يقول لزميله كان عندى كلب يفرح زيهز ديله لما يشوف المطرب ابو صوت حلو ويهجم يعض المطرب صاحب الصوت اللى ينشز زميله ساله وياترى الكلب ده لسة عندك قال له لا سربته من كام يوم علشان دايما كان بيعضنى
هاها حلوة ماعندكيش واحدة تانية
كفاية كدة علشان قاعدة بسمع اغنية جديدة لوائل جسار بصراحة وزنت دماغى
يعنى طلعت كام كيلو
كيلو ايه انا كل مااجاوب علىسؤال عاوز تهزر عموما انا دلوقتى حاقوم وانصرف
تنصرفى منين
من القعدة دى امال حانصرف من بنك مصر عموما الله يرحمنى ويعوض عليكم بعندليب احسن منى